قصيدة لا يا بحر و شفيك ما تسمع الصوت
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــــــــــــــــــــ
لا يا بحر وشفيك ما تسمع الصوت
عليت صوتي و أنجرح ما سمعته
أبني على شطك عمارات و بيوت
و جارك يهدم بناي و اللي عمرته
متوكلن بالرجاوي و الأماني سبوت
أفزعت ليلي و الجفا ما فزعته
وش ذنب خفاقي ليا جاله الموت
و الناس ما تدري بحب طبعته
بين المحاني و المعاليق تابوت
يضم حي بالموده ورعته
مبطي و حبه بين الأظلاع منحوت
لو هبت رياح الهجر ما أقتلعته
أسمه نقشته ماس لولو و ياقوت
شريته بعمري و لا يوم بعته
كنه معي من وين ما رحت مفلوت
رقي المحال لسود عينه طلعته
أوحيه بين الناس و أبكي على فوت
لو هي دقيقه عشتها ما سمعته
ممشاي لأجله يا يا بشر ما هو بفوت
طلق القدم لمقابله ما وضعته
حبه هناي و بسمته يا عرب قوت
لا ضاق صدري في عيونه وسعته
أغليه لو صده على الروح منعوت
صافي غلاه من الضماير نبعته
حكيه حلاته و الحلا فيه مكتوت
من رقته لو بست خده وجعته
مالوم حظي كان ما هوب مبخوت
بصبر و حبه لا حشى ما أنتزعته
اللي كذا ملزوم أحبه و بسكوت
يفعل بقلبي ما بداله و طعته
ما همني هرج العذل فيه مبغوت
هذا حصادي وحدي اللي زرعته
ــــــــــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــــــــــــــــــ