الضيقه اللـي دايمـاً تالـي عصيـر
وش حيلتـي واردّهــا لا تجيـنـي
لاطال ظل العود حزة عشـى الطيـر
كنها على سجـن الحديـد تحدينـي
يضيق صدري كل ما جـت واسيـر
ولا يخفـف سوج رجلـي حنينـي
لاحولنـا مشـراف ولا اقـدر اطيـر
يالله قسـمـة خـيـر لا تبتليـنـي
وعقارب الساعه توقف عـن السيـر
ولاكن في الدوحه سواتـي حزينـي
والعبره اللي تاصل الحلـق وتحيـر
ياقربها لـو قيـل لـي ( ياعوينـي)
امل شـوف النـاس وردّ ومصاديـر
واللي يقول اشفيـك كنْـه يهجينـي
يعني على ماقيل من بـاب تصويـر
( لحد ٍ ابي قربه ولا احـد ٍ يبينـي)